健康生活

[5大瘦身秘訣] 上班一族(三)

有好多上班一族每一日工作都需要坐足六個鐘頭或以上,搞到周身骨痛、肩頸膊痛、腰酸背痛等等⋯⋯根據小編嘅資料顯示,經常坐得太耐會導致血液循環不良、腸胃唔好,容易會有便秘嘅情況,最重要嘅係會開始越嚟越肥。

咁究竟點樣可以將「坐」呢個字同「肥」脫離關係呢?

5大上班族瘦身秘訣

1. 每個鐘頭郁一郁伸展一下

大概兩個鐘頭都可以做一啲伸展動作,減低脂肪集中積聚,保持血液循環。如果大家想問吓小編點樣正確伸展筋骨,小編之後會為大家搵一啲資料。

2. 多喝水

有啲研究顯示,飲水可以提高靜態嘅能量消耗,仲可以令肌膚保持濕潤,提升代謝作用,有效排除體內嘅廢物。

3. 午飯食五穀米

自己預備健康嘅午餐都好重要,例如低糖、低鹽、低脂肪含量嘅食物⋯⋯ 但係有陣時致肥嘅原因係喺白飯嗰度,所以有營養治療師表示,晏晝飯可以揀五穀米包括:糙米、大麥、藜麥、燕麥、小米等等⋯⋯唔同嘅穀物來代替白飯。

4. 飯後半小時別坐

飯後半小時,食物好容易轉化成脂肪,會囤積喺臀部和腹部等等嘅位置,所以食完飯最好可以散步下,有助消化。

5. 少食零食

最好就少啲食零食啦,大家都知道零食嘅糖份、鹽份、卡路里都係會偏高,但係如果大家真無聊想搵啲嘢咬下嘅話,都可以搵一啲低卡路里嘅零食(如:低卡路里乳酪、堅果),又或者,食吓水果都好㗎!

小編的話:小編認為呢啲方法係基本,未必去到最有效,起碼keep到唔好肥上去,希望呢啲資料幫到大家!然而,小編會繼續搵多啲唔同嘅資訊俾大家,希望大家緊貼住滴迪熊ShopinBear 啦!

 

相關產品

更多ShopinBear的文章

發佈留言

發佈留言必須填寫的電子郵件地址不會公開。 必填欄位標示為 *