健康生活

[我個朋友叫大肚腩] 上班一族(一)

關於體態健康問題,小編到不遺餘力為大家搜羅唔同嘅健康資訊,例如今次要分享嘅就係好多人都幾熟識嘅老朋友 —— 大肚腩。

肚腩的自白

大家好!我係大家嘅老朋友「肚腩仔」。我喜愛呢個香港飲食天堂,當中包括茶餐廳、茶樓飲茶、街邊小食等等…… 無高脂肪高熱量不歡。我身邊有好多同輩嘅朋友同我一樣,但係有唔同嘅形態,而我就屬於—— 脂肪積聚型。

我的爸爸媽媽

爸爸媽媽好勤力,係一個絕對稱得上職業強人每日喺辦公室捱更抵夜、睡眠不足、茶飯不思、飲食不定時、常吃快餐咁樣辛勞工作。所以真心要俾個like佢哋呢啲男女強人!不過就係因為咁,成就了我

我的成長過程

一天一天咁長大,每一天一天咁增量好快我就由tall size 變成grande size依然好愛我唔單止仲繼續捱夜、食飯不定時仲經常攝取高脂肪高熱量嘅食物獎勵我!好使我由grande size 升up 為venti 特大size這款終極形態。

我的兄弟弟妹

由於爸爸媽媽嘅不良習慣,養成今日嘅我,亦可能會為我添啲兄弟姊妹,包括糖尿病、血壓高、血脂高、心臟病、中風、睡眠窒息症、膽石、脂肪肝、退化性關節炎、抑鬱症等等……

我真係唔想有咁多兄弟姊妹囉,我好希望爸爸媽媽可以搞好身體,作為肚腩仔嘅我,唔需要咁大㗎,我哋一齊做多啲無氧核心運動,例如:捲腹(仰臥起坐)、交叉捲腹、棒式平板、雙腳離地抬腿、側棒式、單側舉腿等等…… 又或者帶氧運動:跑步、游泳、跳繩、競走、自行車等心肺有氧運動都可以收細我呢個肚腩仔。

小編的話:各位男女強人,辦公室嘅精英們真係要注意注意!努力賺咗錢返嚟,但欠缺健康去享受就唔值得啦!小編會繼續為大家搜羅唔同嘅健康訊息,希望你哋都繼續支持同埋緊貼住我哋啦!

相關產品

更多ShopinBear的文章

發佈留言

發佈留言必須填寫的電子郵件地址不會公開。 必填欄位標示為 *