健康生活

[懶人減到大肚腩?] 上班一族(二)

講真,人大咗真係唔係好想多郁動,但我哋嘅「肚腩」又點算先?!。所以小編左揾右揾資料,就睇下有冇啲懶人方法,即係啲唔多點郁動嘅減肚腩方法。誰知道原來真係有個喎!

方法係嚟自日本一個健康節目《健康就要X》,聽講話做過實驗,最犀利嗰次腰圍可以減到成15 cm,無論點都好,唔使錢,試吓都無妨。

方法一:3秒抬腿動作

首先要搵一張凳,並且坐喺凳嘅前端,兩隻手輕輕咁放喺凳嘅兩邊 [圖一],然後用3秒嘅時間平均地將雙腳抬起 [圖二],再用3秒時間放返落嚟(每組做10次,每日做三組) [圖三(《健康就要X》節目截圖)]。不過切記做緊個動作嘅時候,身體唔好向後傾,否則動作會冇效。呢個抬腳動作有助鍛鍊腰大肌,喺屋企又好,喺公司又好,自己覺得舒服嘅情況底下都可以做,隨時隨地都可以開展你嘅減肚腩計劃!

圖一 《健康就要X》節目截圖
圖二《健康就要X》節目截圖
圖三《健康就要X》節目截圖

方法二:巨人走路法

首先要搵一個合適有少少空間俾你行直線嘅地方,抬高大腿,每一步嘅步伐都係大概兩隻鞋嘅長度左右,以平時嘅步速嘅快15倍咁樣向前行,有助燃燒脂肪,因為佢係一個帶氧運動,專家建議連續行,起碼要有10分鐘以上先至奏效,並幫助到減肚腩嘅功效 [圖四] 。

圖四《健康就要X》節目截圖

小編的話:小編視女性產後健康係一個重要嘅事情,希望以上資料都可以幫助到大家或者大家身邊嘅朋友們,互相傳閲,互相幫助,互相勉勵,互相關心!期待見到香港越來越多我哋嘅未來啦!

 

聖誕大特價2023

更多ShopinBear的文章

發佈留言

發佈留言必須填寫的電子郵件地址不會公開。 必填欄位標示為 *