Mummy有理, 健康生活

[坐月飲食5大禁忌] 產後媽媽 (三、四)

小編又繼續同大家分享一啲必須要知道同埋注意嘅訊息,希望有緣份睇到嘅產後媽媽、BB啱啱出世嘅爸爸或者有朋友係剛剛生完BB 嘅你,都可以善用小編為大家搜集資訊嘅努力,為產後嘅媽媽提供多點溫暖。

坐月子

好多人會認為坐月子大概係30日左右,由於每個人身體嘅體質都唔一樣,所以我哋要格外小心。然而,如果按科學上嘅解釋產婦嘅子宮大概需要六至八個星期先至可以恢復到懷孕之前嘅大細和狀態。所以,有中醫師建議穩陣起見,最起碼坐滿42日。

5大產後飲食禁忌

關於坐月嘅飲食注意,小編搵咗啲資料,係一位陪月員同我哋分享。

1. 避免進食油膩油炸食物

高脂肪量嘅食物很容易會導致乳房痛,乳汁變得更加黏稠,影響排出乳汁。

2. 避免進食寒涼食物

產子後嘅媽媽身體虛弱不宜進食例如以黃豆製嘅食物尤其是大豆芽菜。因為黃豆屬寒性喺中醫角度體虛嘅都不宜進食。以下都是一啲避免進食嘅寒涼食物,由於寒涼食物太多,所以不能盡錄,大家可作參考:

冰品、飲料、梨子、柚子、葡萄柚、西瓜、椰子、橘子、蕃茄、綠豆、蓮藕、黃瓜、苦瓜、絲瓜、冬瓜、大白菜、白蘿蔔、茄子、豆腐、海帶……

3. 避免進食容易產生脹氣的食物

有啲食物係好容易喺你消化過程當中產生較多嘅脹氣,令你覺得胃脹脹咁。當產後嘅媽媽要喺坐月嘅時候,恢復疲弱嘅腸胃消化功能需要重視,所以有啲高脹氣食物就避免進食吧,如:麵包、麵、黑麥製品、大麥製品、洋蔥、蒜頭、韭菜、西瓜、桃、黃豆、黑豆、豆漿、腰果、開心果、榛果等等等等…… (容易生產脹氣的食物不計其數,不能盡錄,如果大家想再仔細啲,可以諮詢相關醫生或營養師或治療師)

4. 避免進食刺激性嘅食物

相信好多香港人都鍾意食辣,「三小辣」定係「BB辣」?咩辣都好,過咗個坐月之後先慢慢再品嚐吧!由於產後初期消化道功能需要時間恢復,所以係有刺激性嘅食物例如辣嘢、芥末,甚至咖啡因等等嘅帶有刺激性嘅食物和飲品度必須避免,以免引起腸胃不適。切記,唔好飲酒或含有酒精嘅飲品。

5. 避免進食牛羊

喺中醫角度,牛羊稱為「發物」,會誘發不少皮膚問題例如濕疹或尋麻疹等等……如果媽媽進食牛羊之後,透過母乳餵BB,BB同樣會吸收到牛羊嘅營養,但係有可能BB嘅皮膚會容易生粒粒,所以有陪月員再三叮囑,媽媽盡量避免進食牛羊。

小編的話:以上嘅都係小編盡努力為大家搜羅嘅一啲資訊,希望幫到咁多位!而小編我亦會繼續為大家找尋不同有用嘅健康資訊,記得緊貼我哋嘅更新呀!

 

相關產品

更多ShopinBear的文章

發佈留言

發佈留言必須填寫的電子郵件地址不會公開。 必填欄位標示為 *