Mummy有理, 健康生活

[快樂坐月3大秘密] 產後媽媽(五)

小編今日就同大家分享有好多唔同嘅媽咪坐月期間嘅小秘密,究竟點樣能夠喺嗰一個月多少少嘅時間調整身心?今日又同大家揭開呢三大秘密啦!

快樂坐月3大秘密

1. 調整身心

產後一個星期

無論係順產或者開刀,第一個星期應該按道理係留喺醫院靜養和適應,只要身體允許嘅話,以「呼吸調息」方法,調整自己的呼吸和放鬆沉靜身心。

產後兩個星期

若覺得身體允許的話,可以嘗試最基本的凱格爾升降運動,但呢個運動係咩嚟?試吓幻想吓你去緊wee wee 嘅時候,去到一半中途停止,你會感受到陰部肌肉收縮咗一下,而呢個動作就係骨盆底肌收縮。

呢個運動你可以選擇坐起身或者瞓喺度做,總之大前提係唔會拉扯到你嘅傷口或者感覺任何痛楚嘅情況底下去進行。試吓幻想吓你喺一架到一樓嘅電梯裏面,先吐氣並且同時收縮你嘅骨盆底肌,維持到電梯升到四樓,跟住慢慢呼氣,並且放鬆你嘅骨盆底肌,然後重複去。如果唔識嘅話一定要尋求和諮詢合資格嘅治療師呀!

大家要記得呀,收縮骨盆底肌肉同埋放鬆骨盆底肌肉都同樣咁重要㗎!千其千其唔好淨係做一part。

2. 保持營養和均衡飲食

唔好以為減肥就唔食嘢,咁樣會弄巧反拙。所以,產後飲食應以清淡、易消化為主,多攝入高蛋白、低脂肪嘅食物,例如雞肉、魚肉、豆類等。同時,多啲食新鮮蔬菜和水果,即係少肉多菜啦,因為肉類通常都會存在一啲毒素,所以避免食太多。

3. 充足睡眠

眾所都周知瞓覺就係讓身體恢復嘅最重要項目,產後應保證充足嘅睡眠,有助於身體恢復和乳汁分泌,忍吓唔好Netflix,或者Disney+住啦。

4. 餵人奶

母乳餵養原來可以幫助消耗大量嘅熱量,同時也有助於嬰兒嘅成長。所以,餵人奶係產後減肥嘅好方法嚟。

5. 作息定時

保持定時嘅作息時間有助於調節內分泌,促進身體新陳代謝,有利於修身和健康。

6. 著緊身衣

著緊身衣可以幫助束縛腹部和大腿嘅脂肪,有助於你嘅修身大計。

產後心理健康

修身固然重要嘅,但係小編覺得除咗修身之外都要修好心,即係調和自己嘅心理健康。以下有啲資料提供俾大家作參考。

調整心態

產後可能會出現焦慮、抑鬱等等嘅情緒問題。覺得唔對路嘅時候,要積極啲同埋正面啲去調整心態,保持樂觀心情,睇多啲開心同愉快嘅嘢。

多交流

同屋企人、朋友分享自己嘅感受和經驗可以減輕心理壓力。同時,可以尋求專業嘅心理的輔導,都仰明智嘅選擇。

重回工作崗位

重新回到屬於自己嘅工作崗位,可以幫助媽媽搵返自信和充實生活。喺工作當中,可以與同事交流、學習新技能,分散負能量,有助於緩解情緒問題。

小編的話:小編視女性產後健康係一個重要嘅事情,希望以上資料都可以幫助到大家或者大家身邊嘅朋友們,互相傳閲,互相幫助,互相勉勵,互相關心!期待見到香港越來越多我哋嘅未來啦!

 

相關產品

更多ShopinBear的文章

發佈留言

發佈留言必須填寫的電子郵件地址不會公開。 必填欄位標示為 *